2024 оны 9 дүгээр сарын эхний 10 хоногийн Цаг агаарын нөхцлийн тойм мэдээ

Эхний 10 хоногт агаарын дундаж температур нийт нутгаар  14,0 – 17,8 градус дулаан байсныг нь олон жилийн дундажтай харьцуулахад Хулд, Адаацаг, Өлзийт сумдын нутгаар олон жилийн дунджийн орчим, бусад нутгаар олон жилийн дунджаас 5,6 – 7,0 градусаар дулаан байжээ. Агаарт  өдөртөө Өлзийт суманд 31 градус, бусад нутгаар 26 – 29 градус дулаан,  шөнөдөө Эрдэнэдалайд 1 градус, бусад нутгаар 2 – 6 градус дулаан байжээ. Агаарт 30 градусаас давж Өлзийт сумдын нутгаар 1 өдөр халсан.

Хөрсний гадаргын температур өдөртөө Дэрэн, Говь-Угтаал, Хулд, Сайнцагаан, Өлзийт сумдад 48 – 53 градус, бусад нутгаар 42 - 47 градус дулаан, хөрсөн дээр 40 градусаас дулаан өдрийн тоо нийт нутгаар 2 - 10 өдөр ажиглагдсан. Шөнөдөө  нийт нутгаар 2  градус хүйтнээс 3 градус дулаан хоносон.

Тунадасны хувьд Адаацаг, Эрдэнэдалай сумдад 0.4 – 0.5 мм хур тунадас орсон. Бусад нутгаар хур тунадас ороогүй.

Салхины их хурд нийт нутгаар түр зуур 11 - 20 м/с хүрч 5 - 7 өдөр 10 м/с-ээс их салхитай өдөр ажиглагдсан.

Энэ 10 хоногт хөдөө аж ахуйн үйлдвэрлэлд  малчид, гүү барих, малын угаалага зэрэг ажил  явагдахад цаг агаар тааламжтай байсан. Малын усан хангамж  хүрэлцээтэй. Бэлчээрийн ургамал хазаар, крыловын хялгана, таана үрийн боловсролтын үе шатанд  ургаж байна, ургамлын өндөр дунджаар 6 - 14 см,  ургамлын ургалтын байдал Эрдэнэдалай суманд дунд зэрэг  буюу нийт нутгийн 10 хувьд нь, бусад ихэнх нутгаар ургамлын ургалт сайн буюу нийт нутгийн 90 гаруй хувь нь байна.

Цаг агаарын нөхцөл байдал үе үе хөрсөн дээр цочир хүйтрэх учир  малчид, ард иргэд сэрэмжтэй байхыг анхааруулж байна.

Тойм бичсэн: ХААЦУ ахлах техникч  Б. Баасанжаргал.