2018 оны 11 дүгээр сарын сүүлийн 10 хоногийн Цаг агаарын нөхцлийн тойм мэдээ

Сүүлийн 10 хоногт агаарын дундаж температур нийт нутгаар  7,1 – 11,2 градус хүйтэн байсныг нь олон жилийн дундажтай харьцуулахад Цагаандэлгэр, Сайхан-Овоо сумдад олон жилийн дунджаас 2,1 - 2,9 градусаар хүйтэн, Гурвансайхан, Эрдэнэдалай, Хулд сумдад олон жилийн дунджийн орчим, бусад нутгаар олон жилийн дунджаас 1,6 – 4,9 градусаар дулаан байжээ. Агаарт  өдөртөө  Өлзийт суманд 11 градус, бусад нутгаар 3 -8 градус дулаан, шөнөдөө нийт нутгаар 18 - 23 градус хүйтэн байжээ.

Хөрсний гадаргын температур өдөртөө Эрдэнэдалай, Адаацаг, Говь-Угтаал сумдад 6-8 градус, бусад нутгаар 9 - 14 градус дулаан, шөнөдөө Говь-Угтаал суманд 20 градус, бусад нутгаар 21 - 26 градус хүйтэн хоносон.

Тунадасны хувьд зарим нутгаар  0,0 – 0,3 мм хур тунадас 1  өдөр орсон.  Мандалговь, Цагаандэлгэр,  Говь-Угтаал сумдад 0,0 мм, Адаацаг, Хулд сумдад 0,2-0,3 мм, бусад нутгаар хур тунадас ороогүй.

Салхины их хурд нийт нутгаар түр зуур 10 - 25 м/секунд хүрч 1 – 4 өдөр 10 м/секундээс их салхитай өдөр ажиглагдсан.

Цасан бүрхүүлийн хувьд нийт нутгаар  цасгүй байна.

Энэ 10 хоногт хөдөө аж ахуйн үйлдвэрлэлд  малчид өвөлжилдөө идэшээ хийх, хужир шүү татах  зэрэг ажил  явагдахад цаг агаар тааламжтай байсан. Малын усан хангамжийн  хүрэлцээ дунд зэрэг. Одоогийн байдлаар цаг агаарын хүндрэлээс болж учирсан хохирол байхгүй байна.

Тойм бичсэн:  ЦУОТХэлтсийн ХААЦУ инженер  Б. Болортуяа.