2023 оны 6 дугаар сарын дунд 10 хоногийн Цаг агаарын нөхцлийн тойм мэдээ

Дунд 10 хоногт агаарын дундаж температур нийт нутгаар  20,5 – 24,8 градус дулаан байсныг нь олон жилийн дундажтай харьцуулахад нийт нутгаар олон жилийн дунджаас 1,8 – 4,3 градусаар дулаан  байжээ. Агаарт  өдөртөө нийт нутгаар 31 - 37 градус дулаан, шөнөдөө 8 - 12 градус дулаан байжээ. Агаарт 30 градусаас давж нийт  нутгаар 2 - 6 өдөр халсан.

Хөрсний гадаргын температур өдөртөө нийт нутгаар 56 - 62 градус дулаан, хөрсөн дээр 40 градусаас дулаан 9 - 10 өдөр халсан. Шөнөдөө нийт нутгаар 3 - 10 градус дулаан хоносон.

Тунадасны хувьд нийт нутгаар 0,1 – 34,5 мм хур тунадас орсон. Дэрэн  суманд 34,5 мм аадар бороо, бусад нутгаар 0,1 – 7,7 мм хур тунадас 1 - 2 өдөр орсон.

Салхины их хурд түр зуурын нөөлөг салхи нийт нутгаар 10 - 22 м/с хүрч 3 - 8 өдөр 10 м/с-ээс их салхитай өдөр ажиглагдсан.

Энэ 10 хоногт хөдөө аж ахуйн үйлдвэрлэлд  малчид ойр зуур оторлож,  тэмээ ноослох явагдаж байна. Эдгээр ажил явагдахад цаг агаар тааламжгүй, халуун салхитай, хэт халуун байлаа. Малын усан хангамжийн  хүрэлцээ дунд зэрэг. Бэлчээрийн ургамал таана, хазаар, хялгана салхи ихтэй, хэт халснаас үзүүрээсээ шарласан, ихэнх нутгаар хур тунадас орсноор ургамлын ургалт сэргэж байна, ургамлын өндөр дунджаар 1 – 7 см, ургамлын ургалтын байдал Сайнцагаан, Цагаандэлгэр, Говь-Угтаал, Дэрэн Сайхан-Овоогийн хойд, зүүн зүг, Эрдэнэдалайн баруун талаас бусад зүг,  Луус  сумын хойд зүгээс бусад зүг, Хулдын баруун хойд, Дэлгэрхангайн баруун, өмнө зүг, Өндөршилийн хойд зүгийн нутгаар  дунд зэрэг буюу нийт нутгийн 60 гаруй хувь болж ургамлын ургалт сайжирсан, бусад нутгаар ургамлын ургалт муу байна.

Дэрэн суманд хүчтэй мөндөр орсны улмаас 30 толгой бага мал хорогдсон. Малчид ард иргэд гэнэтийн аянга, дуу цахигаантай аадар бороо, нөөлөг салхи, аагим халуун нарнаас болгоомжтой байна уу.

Тойм бичсэн:  ЦУОТХэлтсийн ХААЦУ инженер  Б. Болортуяа.