2024 оны 03 дугаар сарын эхний 10 хоногийн Цаг агаарын нөхцлийн тойм мэдээ

Эхний 10 хоногт агаарын дундаж температур Цагаандэлгэр суманд 14,1 градус, бусад нутгаар  6,9 – 11,8  градус дулаан байсныг нь олон жилийн дундажтай харьцуулахад Гурвансайхан, Цагаандэлгэр, Баянжаргалан, Дэрэн, Өндөршил сумдын нутгаар 1,1 – 3,0 градусаар олон жилийн дунджаас хүйтэн байжээ. Бусад нутгаар олон жилийн дундажын орчим. Агаарт  өдөртөө нийт нутгаар 5 градус дулаанаас 3 градус хүйтэн,  шөнөдөө, Адаацаг, Баянжаргалан, Дэрэн, Өндөршил, Цагаандэлгэр, Эрдэнэдалай сумдад  23 – 25 градус, бусад нутгаар 17 – 21 градус хүйтэн  байжээ.

Хөрсний гадаргын температур өдөртөө Адаацаг суманд 8 градус,  Гурвансайхан, Баянжаргалан сумдад  22 – 27 градус, бусад нутгаар 10 – 18 градус дулаан, шөнөдөө Баянжаргалан, Өндөршил, Эрдэнэдалай, Адаацаг, Цагаандэлгэр сумдад  25 - 30 градус, бусад нутгаар 19 - 24  градус хүйтэн байжээ.

Тунадасны хувьд Дэлгэрхангай, Сайхан-Овоо сумдад 0,2 – 0,9 мм,  Мандалговь, Гурвансайхан, Эрдэнэдалай, Дэрэн  Хулд сумдад 0,0 мм хур тунадас орсон. Бусад нутгаар хур тунадас ороогүй.

Салхины их хурд Өлзийт, Өндөршил, Цагаандэлгэр сумдад 8 - 9 м/с бусад нутгаар 10 – 16 м/с хүрч 1 - 6 өдөр 10 м/с-ээс их салхитай өдөр ажиглагдсан.

Цасан бүрхүүлийн хувьд нийт нутгаар цасан бүрхүүлтэй бөгөөд   Цагаандэлгэр суманд 11 см зузаантай, 0.30 г/см³ нягттай,  Адаацаг сумдад 7 см зузаантай, 0.23  г/см³ нягттай, зарим газраа хунгарласан битүү 10 баллын цасан бүрхүүлтэй, Говь- Угтаал суманд 6 см зузаантай, 0.23 г/см³ нягттай,  бага зэрэг хунгарласан 5-9 баллын  цасан бүрхүүлтэй, Мандалговь, Өндөршил, Өлзийт 3 - 5 см зузаантай, 0.29 - 0.41 г/см³ нягттай, Хулд, Дэлгэрхангай Сайхан-Овоо, Баянжаргалан, Дэрэн, Луус сумдад  0 - 2 см зузаантай  бага зэрэг хунгарласан 5-9 баллын  цасан бүрхүүлтэй. Эрдэнэдалайд 1 - 4 баллын  цасан бүрхүүлтэй байна.

Энэ 10 хоногт хөдөө аж ахуйн үйлдвэрлэлд  малчид өвөлжөөндөө  малдаа нэмэгдэл тэжээл өгөх, бог бод мал төллөх ажил явагдахад цаг агаар таагүй хүйтэн байлаа.  Малын усан хангамжийн хүрэлцээ дунд зэрэг байна.

Тойм бичсэн:  ЦУОТХэлтсийн ХААЦУ ахлах техникч  Б. Баасанжаргал.