2019 оны 3 дугаар сарын дунд 10 хоногийн Цаг агаарын нөхцлийн тойм мэдээ

Дунд 10 хоногт агаарын дундаж температур Өлзийт сум 5,0 градус, Гурвансайхан, Өндөршил сумдад 0,1-0,2 градус дулаан, бусад нутгаар 0,1-2,4 градус хүйтэн байсныг нь олон жилийн дундажтай харьцуулахад 1,0-8,7 градусаар олон жилийн дунджаас дулаан байжээ. Агаарт өдөртөө нийт нутгаар 11-16 градус дулаан, шөнөдөө нийт нутгаар 11-18 градус хүйтэн  байжээ.

Хөрсний гадаргын температур өдөртөө Гурвансайхан, Эрдэнэдалай, Цагаандэлгэр, Дэрэн сумдад 30-31 градус, бусад нутгаар 26–29 градус дулаан, шөнөдөө Цагаандэлгэр суманд 20 градус, бусад нутгаар 13 - 18  градус хүйтэн байжээ.

Тунадасны хувьд нийт нутгаар 0,7-7,9 мм тунадас орсон. Гурвансайхан, Луус, Дэлгэрхангай сумдад 5,4-7,9 мм, Өндөршил суманд 0,7 мм, бусад нутгаар 1,6-4,5 мм тунадас орсон. Эрдэнэдалай, Адаацаг сумдад 1-4 балл, Мандалговь, Луус, Өлзийт сумдын нутгаар 5-9 балл, бусад сумдын нутгаар 10 баллын цасан бүрхүүлтэй.

Салхины их хурд нийт нутгаар 10-19 м/секунд хүрч 2-9 өдөр 10 м/секундээс их салхитай өдөр ажиглагдсан.

Энэ 10 хоногт хөдөө аж ахуйн үйлдвэрлэлд  малчид өвөлжөөндөө  малдаа нэмэгдэл тэжээл өгөх, бог бод мал төллөж байна, эдгээр ажил явагдахад цаг агаар хэвийн тогтуун байлаа. 19-20-нд нийт нутгаар цас орж, цасан шуурга шуурсан, цасан бүрхүүлтэй болсон боловч цаг агаарын нөхцөл байдлаас шалтгаалан малын бэлчээрлэлтэнд хүндрэл учираагүй ба одоогийн байдлаар цаг агаарын хүндрэлээс болж учирсан хохирол байхгүй байна. Малын усан хангамжийн  хүрэлцээ цас орж хайлж байгаа учир хэд хоногтоо сайн.

Тойм бичсэн:  ЦУОТХэлтсийн ХААЦУ-ийн ахлах техникч    Г.Дашмаа