Цаг уурын мэдээ > Хөдөө аж ахуйн цаг уурын тойм

2020 оны 1 дүгээр сарын эхний 10 хоногийн Цаг агаарын нөхцлийн тойм мэдээ

Шинэчлэгдсэн: 2020-01-20 09:32:18

Эхний 10 хоногт агаарын дундаж температур Адаацаг, Эрдэнэдалай сумдад 18,6 – 21,5 градус, бусад нутгаар  13,0 – 16,9  градус хүйтэн байсныг нь олон жилийн дундажтай харьцуулахад Эрдэнэдалай суманд олон жилийн дунджаас 1,9 градусаар хүйтэн, Цагаандэлгэрт олон жилийн дунджийн орчим, бусад нутгаар олон жилийн дунджаас 1,3 – 5,2 градусаар дулаан байжээ. Агаарт  өдөртөө Цагаандэлгэр, Адаацаг, Дэрэн сумдад 7 - 10 градус, бусад нутгаар 1 – 6 градус хүйтэн,  шөнөдөө Мандалговь, Эрдэнэдалай суманд 28 - 31 градус, бусад нутгаар 22 - 27 градус хүйтэн  байжээ. Эрдэнэдалай суманд 30 градусаас хүйтэн өдрийн тоо 2 удаа ажиглагдсан.

Хөрсний гадаргын температур өдөртөө Адаацаг, Эрдэнэдалай, Луус, Өлзийт, Дэлгэрхангай сумдад 2 - 5 градус хүйтэн, бусад нутгаар 0 - 4 градус дулаан, шөнөдөө Эрдэнэдалай суманд 33 градус, бусад нутгаар 26 - 31  градус  хүйтэн байжээ.

Тунадасны хувьд зарим нутгаар 0,0 – 0,2 мм хур тунадас 1 - 2 өдөр орсон. Говь-Угтаал, Гурвансайхан, Дэрэн, Баянжаргалан, Цагаандэлгэр, Мандалговьд 0,0 – 0,2 мм,  бусад нутгаар хур тунадас ороогүй.

Салхины их хурд түр зуур Сайхан-Овоо, Эрдэнэдалай, Дэрэн, Өлзийт, Дэлгэрхангай сумдад 6 - 7 м/секунд, бусад нутгаар 10 -16 м/секунд хүрч 1-4 өдөр 10 м/секундээс их салхитай өдөр ажиглагдсан.

Тус сарын 10-ны өдрийн байдлаар Эрдэнэдалай сум 5 см зузаантай, 10 баллын мөстсөн цастай, Мандалговь 4 см зузаантай 5-9 баллын мөстсөн цастай, Цагаандэлгэр сум 2 см зузаантай 10 баллын сэвсгэр цастай, Сайхан-Овоо  сум 1-4  баллын мөстсөн цастай, бусад нутгаар 0-1 см зузаантай 5 – 9 баллын мөстсөн цастай байна.

Энэ 10 хоногт хөдөө аж ахуйн үйлдвэрлэлд өөр аймагруу нэлээд малчид отороор явсан, нутагтаа байгаа малчид өвөлжөөндөө, бод, бог малд нэмэгдэл тэжээл өгөх ажил  явагдахад  цаг агаар хэвийн байсан. Малын усан хангамжийн  хүрэлцээ хэвийн. Одоогийн байдлаар цаг агаарын хүндрэлээс болж учирсан хохирол байхгүй байна.

 

Тойм бичсэн:  ЦУОТХэлтсийн ХААЦУ инженер  Б. Болортуяа.