Цаг уурын мэдээ > Хөдөө аж ахуйн цаг уурын тойм

2019 оны 5 дугаар сарын дунд 10 хоногийн Цаг агаарын нөхцлийн тойм мэдээ

Шинэчлэгдсэн: 2019-05-24 16:23:31

Дунд 10 хоногт агаарын дундаж температур нийт нутгаар  4,9-9,9 градус дулаан байсныг нь олон жилийн дундажтай харьцуулахад нийт  нутгаар 2,0-6,4 градусаар олон жилийн дунджаас хүйтэн байжээ. Агаарт  өдөртөө 19-24 градус дулаан,  шөнөдөө Сайхан-Овоо, Дэлгэрхангай, Адаацаг сумдад 8-9 градус, бусад нутгаар 2-7 градус хүйтэн  байжээ.

Хөрсний гадаргын температур өдөртөө Сайхан-Овоо, Өлзийт, Гурвансайхан, Дэрэн, Эрдэнэдалай сумдад 42-45 градус, бусад нутгаар 36-41 градус дулаан. Шөнөдөө Сайхан-Овоо, Дэлгэрхангай, Адаацаг сумдад 9-13 градус, бусад нутгаар 2-7 градус хүйтэн  байжээ.

Тунадасны хувьд нийт нутгаар 1,8 - 9,5 мм хур тунадас орсон. Мандалговь, Цагаандэлгэр сумдад 9,1 – 9,5 мм, Баянжаргалан, Өндөршил сумдад 8,2 – 8,8 мм, Сайхан-Овоо, Гурвансайхан сумдад 6,3 – 7,1 мм, бусад нутгаар  1,8 - 4,9 мм хур тунадас 2-5 өдөр орсон.

Салхины их хурд  түр зуур нийт нутгаар 16 - 27 м/секунд аюултай үзэгдлийн хэмжээнд хүрч 6-10 өдөр 10 м/секундээс их салхитай өдөр ажиглагдсан.

Энэ 10 хоногт хөдөө аж ахуйн үйлдвэрлэлд  малчид отор нүүдэл хийж бог, бод малын төл бойжуулах ажил  явагдаж байна. Эдгээр ажил явагдахад цаг агаар тааламжгүй, салхитай, шуургатай, халуун хүйтэний хэлбэлзэл ихтэй байлаа. Малын усан хангамжийн  хүрэлцээ дунд зэрэг байна. Бэлчээрийн ургамал таана, хялгана, хазаар дөнгөж цухуйсан боловч салхи ихтэй, шөнөдөө сэрүүн хонож байгаагаас ургалт удааширалтай, үзүүрээсээ хөлдөж гэмтсэн ургамлын өндөр дунджаар 1-6 см, ургамлын ургалтын байдал Эрдэнэдалай, Адаацаг, Баянжаргалан, Өлзийт, Өндөршил сумдад муу буюу нийт нутгийн 35 гаруй хувь,  бусад нутгаар буюу 65 хувь нь дунд зэрэг байна.

 

Тойм бичсэн:  ЦУОТХэлтсийн ХААЦУ инженер  Б. Болортуяа.