Цаг уурын мэдээ > Хөдөө аж ахуйн цаг уурын тойм

2024 оны 2 дугаар сарын эхний 10 хоногийн Цаг агаарын нөхцлийн тойм мэдээ

Шинэчлэгдсэн: 2024-03-19 00:21:57

Эхний 10 хоногт агаарын дундаж температур Сайхан-Овоо, Эрдэнэдалай Адаацаг  суманд 22,7 – 24,0 градус, бусад нутгаар  16,6 – 22,0 градус хүйтэн байсныг нь олон жилийн дундажтай харьцуулахад Говь-Угтаал суманд олон жилийн дундажын орчим, бусад  нутгаар олон жилийн дунджаас 1,5 – 7,0 градусаар хүйтэн байжээ. Агаарт  өдөртөө  Говь-Угтаал, Эрдэнэдалай, Адаацаг, Луус, Өндөршил, Цагаандэлгэр  сумдад  8 – 13 градус, бусад нутгаар 2 -  6 градус  хүйтэн, шөнөдөө  Говь-Угтаал, Луус, Өлзийт, Өндөршил, Дэлгэрхангай, Хулд Гурвансайхан сумдад  24 – 29 градус, бусад нутгаар 30 - 32 градус хүйтэн байжээ. Цагаандэлгэр, Адаацаг, Дэрэн, Сайхан-Овоо, Эрдэнэдалай сумдад 30 градусаас хүйтэн 1 – 5 хоног хүйтэрсэн.

Хөрсний гадаргын температур өдөртөө  Мандалговь, Гурвансайхан, Цагаандэлгэр, Хулд, Дэлгэрхангай  2 – 10  градус дулаан, бусад нутгаар 3 - 7 градус хүйтэн, шөнөдөө нийт нутгаар 26 - 35  градус хүйтэн байжээ.

Тунадасны хувьд ихэнх нутгаар 0,0 – 1,4 мм хур тунадас 1 – 3 өдөр орсон. Мандалговь,  Гурвансайхан, Эрдэнэдалай  сумдад 1.0-1.4 мм, бусад сумдаар 0,0 - 0,9 мм  хур тунадас орсон. Цагаандэлгэр хур тунадас ороогүй.

Салхины их хурд Сайхан-Овоо, Эрдэнэдалай, Мандалговь, Цагаандэлгэр, Баянжаргалан, Дэрэн, Луус, Өндөршил сумдын  нутгаар 5 – 8 м/с, бусад нутгаар түр зуур 10 – 13 м/с хүрч 1 – 4 өдөр 10 м/с-ээс их салхитай өдөр ажиглагдсан.

Цасан бүрхүүлийн хувьд нийт нутгаар цасан бүрхүүлтэй бөгөөд Өлзийт,  Цагаандэлгэр сумдад 8-9 см зузаантай,  0.30-0.33 гр/см3 нягттай,  зарим газраа хунгарласан битүү 10 баллын цасан бүрхүүлтэй, Сайхан-Овоо, Луус  сумдад 6 см зузаантай, 0.22-0.26 гр/см3 нягттай, зарим газраа хунгарласан битүү 10 баллын цасан бүрхүүлтэй, Мандалговьд 6 см зузаантай, 0.38 гр/см3 нягттай,   зарим газраа хунгарласан  5-9  баллын цасан  бүрхүүлтэй,  Эрдэнэдалай, Адаацаг, Дэрэн, Өндөршил, Хулд , Говь-Угтаал, Дэлгэрхангай сумдад  4-5 см зузаантай, 0.16-0.40 гр/см3 нягттай,  зарим газраа хунгарласан битүү 10 баллын цасан бүрхүүлтэй, Гурвансайхан, Баянжаргалан сумдад 1-3 см зузаантай, 0.24 гр/см3 нягттай, бага зэрэг хунгарласан битүү 10 баллын  цасан бүрхүүлтэй байна.

Энэ 10 хоногт хөдөө аж ахуйн үйлдвэрлэлд  малчид өвөлжөөндөө  малдаа нэмэгдэл тэжээл өгөх ажил үргэлжилж байна, гаднаас нэлээд малчид оторлож байгаа. Өвөлжилтийн байдал хүндэрсэн.

Тойм бичсэн:  ЦУОТХэлтсийн ХААЦУ ахлах техникч  Б. Баасанжаргал.