> Цаг уурын шинжилгээний мэдээ

2019 оны 9 сарын цаг агаарын тойм мэдээ

Шинэчлэгдсэн: 2019-12-12 08:39:16

Энэ сард агаарын дундаж температур нийт нутгаар 15,2 – 19,5 градус дулаан байсан нь олон жилийн дундажтай харьцуулахад нийт  нутгаар олон жилийн дунджаас 3,6 – 8,0 градусаар дулаан байлаа. Өдөртөө нийт нутгаар 29 - 32 градус дулаан, шөнөдөө 2 - 5 градус дулаан байжээ. Агаарт 30 градусаас дулаан Говь-Угтаал сумаас бусад сумдад 2 – 6 өдөр халсан.

Хөрсний гадарга дээр өдөртөө Гурвансайхан, Цагаандэлгэр, Луус, Өлзийт сумдад 55 - 58 градус, бусад нутгаар 49 - 54 градус дулаан, шөнөдөө нийт нутгаар 1 градус хүйтнээс 3 градус дулаан хоносон.

Салхины их хурд түр зуур Өндөршил сумдад 8 м/сек, бусад нутгаар 10 - 20 м/секунд, Эрдэнэдалай, Гурвансайхан, Сайхан-Овоо сумдад 21 – 25 м/сек, Мандалговьд 31 м/сек аюултай үзэгдлийн хэмжээнд хүрч 2 – 19 удаа 10 м/секундээс их салхитай өдөр ажиглагдсан.

Хур тунадасны хувьд нийт нутгаар 2 - 5 удаа 0,3 – 10,4 мм  орсон ба олон жилийн дундажтай харьцуулахад  Говь-Угтаал, Баянжаргаланд 9,9 – 10,4 мм, бусад нутгаар 0,3 – 8,7 мм буюу олон жилийн дунджаас бага хур тунадас орсон.

Энэ сард хөдөө аж ахуйн үйлдвэрлэлд  малчид отор нүүдэл хийх,  мал саах, гар тэжээл бэлтгэх зэрэг ажил  явагдахад цаг агаар тааламжтай байсан. Малын усан хангамж  хүрэлцээ дунд зэрэг. Бэлчээрийн ургамал хазаар, таана, хялгана хатаж хагдарч байна, ургамлын өндөр дунджаар 2 - 8 см, ургац 0,1 – 0,9 ц/га, ургамлын ургалтын байдал Сайхан-Овоо сумын нутгаар хэвийн, Адаацагийн зүүн зүг, Хулдын зүүн, урд зүг, Баянжаргалан, Өлзийт сумдын  нутгаар муу, бусад нутгаар дунд зэрэг байна.

 

Тойм бичсэн:  ЦУОТХэлтсийн ХААЦУ инженер  Б. Болортуяа.