2021 оны 10 дугаар сарын эхний 10 хоногийн Цаг агаарын нөхцлийн тойм мэдээ

Эхний 10 хоногт агаарын дундаж температур нийт нутгаар  4,4 – 8,2 градус дулаан байсныг нь олон жилийн дундажтай харьцуулахад Мандалговь, Эрдэнэдалай сумдад олон жилийн дунджаас 1,1 – 1,3 градусаар хүйтэн, бусад нутгаар олон жилийн дунджийн орчим байжээ. Агаарт  өдөртөө нийт нутгаар 13 – 18 градус дулаан,  шөнөдөө 3 - 6 градус хүйтэн байжээ.

Хөрсний гадаргын температур өдөртөө Сайхан-Овоо, Эрдэнэдалай, Цагаандэлгэр  сумдад 36 – 38 градус, бусад нутгаар 30 - 34 градус дулаан, шөнөдөө  нийт нутгаар 5 - 9 градус хүйтэн хоносон.

Тунадасны хувьд ихэнх нутгаар 0,8 – 11,5 мм хур тунадас орсон, Дэлгэрхангайд 11,5 мм, Сайхан-Овоо, Эрдэнэдалай, Адаацаг, Цагаандэлгэр сумдад 6,4 - 7,4 мм, бусад нутгаар 0,8 – 3,3 мм хур тунадас 1 – 2 өдөр оржээ.

Салхины их хурд нийт нутгаар түр зуур 14 - 22 м/с хүрч хүчтэй салхилсан, 2 - 6 өдөр 10 м/с-ээс их салхитай өдөр ажиглагдсан.

Энэ 10 хоногт хөдөө аж ахуйн үйлдвэрлэлд  малчид отор нүүдэл хийх,  өвөлжилтийн бэлтгэл хороо бууцаа сийлэх, хужир шүү татах,  гар тэжээл бэлтгэх  зэрэг ажил  явагдахад цаг агаар тааламжгүй салхи шуургатай байсан. Малын усан хангамжийн  хүрэлцээ дунд зэрэг. Цаг агаарын нөхцөл байдлаас шалтгаалан малын бэлчээрлэлтэнд хүндрэл учираагүй ба одоогийн байдлаар цаг агаарын хүндрэлээс болж учирсан хохирол байхгүй байна.

Тойм бичсэн: УЦУОТХэлтсийн ХААЦУ инженер  Б. Болортуяа.