2020 оны 10 дугаар сарын дунд 10 хоногийн Цаг агаарын нөхцлийн тойм мэдээ

Дунд 10 хоногт агаарын дундаж температур нийт нутгаар  0,1 градус хүйтнээс 3,4 градус дулаан байсныг нь олон жилийн дундажтай харьцуулахад Хулд, Өлзийт, Луус, Дэрэн сумдад олон жилийн дунджийн орчим, бусад нутгаар олон жилийн дунджаас 1,3 – 2,1 градусаар хүйтэн байжээ. Агаарт  өдөртөө нийт нутгаар 13 – 16 градус дулаан,  шөнөдөө 8 - 13 градус хүйтэн байжээ.

Хөрсний гадаргын температур өдөртөө Өлзийт, Өндөршил сумдад 30  градус, бусад нутгаар 24 - 28 градус дулаан, шөнөдөө Хулд суманд 7 градус, бусад нутгаар 12 - 15 градус хүйтэн хоносон.

Ихэнх нутгаар 0,0 – 1,7 мм хур тунадас 1 өдөр орсон. Хулд суманд 1,7 мм, бусад нутгаар 0,0 – 0,8 мм хур тунадастай, Өндөршил суманд хур тунадас ороогүй.

Салхины их хурд Өндөршилд 15 м/с, бусад нутгаар түр зуур 20 - 28 м/с хүрч хүчтэй салхилсан, 1 - 6 өдөр 10 м/с-ээс их салхитай өдөр ажиглагдсан.

Энэ 10 хоногт хөдөө аж ахуйн үйлдвэрлэлд  малчид отор нүүдэл хийх,  өвөлжилтийн бэлтгэл хороо бууцаа сийлэх, хужир шүү татах,  гар тэжээл бэлтгэх, мал хээлтүүлэх  зэрэг ажил  явагдахад цаг агаар тааламжгүй салхи шуургатай байсан. Сайхан-Овоо суманд 0 см зузаантай 5-9 баллын сэвсгэр цас, Өлзийт, Хулд сумдад 1-4 баллын сэвсгэр цастай, бусад нутгаар цасгүй байна. Малын усан хангамжийн  хүрэлцээ дунд зэрэг. Цаг агаарын нөхцөл байдлаас шалтгаалан малын бэлчээрлэлтэнд хүндрэл учираагүй ба одоогийн байдлаар цаг агаарын хүндрэлээс болж учирсан хохирол байхгүй байна.

Тойм бичсэн:

 ЦУОТХэлтсийн ХААЦУ инженер  Б. Болортуяа.