2024 оны 6 дугаар сарын дунд 10 хоногийн Цаг агаарын нөхцлийн тойм мэдээ

Дунд 10 хоногт агаарын дундаж температур нийт нутгаар  18,4 – 22,4 градус дулаан байсныг нь олон жилийн дундажтай харьцуулахад  Цагаандэлгэр, Эрдэнэдалай, Сайхан-Овоо, Мандалговь, Гурвансайхан, Баянжаргалан сумдын нутгаар олон жилийн дунджаас 1,0 – 2,4 градусаар дулаан  байжээ.Бусад нутгаар олон жилийн дунджийн орчим.  Агаарт  өдөртөө Говь-Угтаал суманд 29 градус, бусад  нутгаар 30 - 32 градус дулаан, шөнөдөө 6 - 11 градус дулаан байжээ. Агаарт 30 градусаас давж нийт  нутгаар 1 - 4 өдөр халсан.

Хөрсний гадаргын температур өдөртөө Баянжаргалан суманд 64 градус, бусад  нутгаар 57 - 60 градус дулаан, хөрсөн дээр 40 градусаас дулаан 9 - 10 өдөр халсан. Шөнөдөө Цагаандэлгэр, Говь-Угтаал сумдад 3 – 4 градус, бусад  нутгаар 7 - 10 градус дулаан хоносон.

Тунадасны хувьд нийт нутгаар 0,3 – 18,3 мм хур тунадас орсон. Эрдэнэдалай  суманд 18,3 мм, Сайхан-Овоо, Цагаандэлгэр суманд 16,2  16,7 мм, Дэрэн, Гурвансайхан, Дэлгэрхангай сумдад 6,8 – 7, 9 мм,   Баянжаргаран, Адаацаг, Говь-Угтаал, Луус, Хулд сумдад  1,5 – 4,7 мм, бусад нутгаар 0,3 – 0,9 мм хур тунадас 2 - 6 өдөр орсон.

Салхины их хурд түр зуурын нийт нутгаар 10 - 24 м/с хүрч 4 - 8 өдөр 10 м/с-ээс их салхитай өдөр ажиглагдсан.

Энэ 10 хоногт хөдөө аж ахуйн үйлдвэрлэлд  малчид ойр зуур оторлож,  тэмээ ноослох явагдаж байна. Эдгээр ажил явагдахад цаг агаар тааламжтай байлаа. Малын усан хангамжийн  хүрэлцээ дунд зэрэг. Бэлчээрийн ургамлын ургалтын байдал  нийт нутгийн 50 гаруй хувьд буюу Сайхан-Овоо сумын зүүн тал, Луус, Гурвансайхан сумдын хойд тал, Говь-Угтаалын зүүн, хойд, баруун тал, Баянжаргалан сумын баруун, зүүн тал, Эрдэнэдалай, Сайнцагаан,  Цагаандэлгэр, Өндөршил сумдын нутгаар дунд зэрэг, бусад нутгаар ургамлын ургалт муу байна.

Тойм бичсэн:  ЦУОТХэлтсийн ХААЦУ ахлах техникч  Б.Баасанжаргал.