2023 оны 9 сарын цаг агаарын тойм мэдээ

Энэ сард агаарын дундаж температур нийт нутгаар 12,5 – 17,1 градус дулаан байсан нь олон жилийн дундажтай харьцуулахад Цагаандэлгэр суманд    олон жилийн дунджийн орчим, бусад нутгаар 1,9 – 3,2 градусаар дулаан байлаа. Өдөртөө ихэнх нутгаар 30 - 33 градус дулаан, шөнөдөө 3 градус хүйтнээс 1 градус дулаан байжээ. Агаарт 30 градусаас давж нийт нутгаар 1 - 6 өдөр халсан.

Хөрсний гадарга дээр өдөртөө ихэнх нутгаар 51 - 60 градус дулаан, шөнөдөө 1 - 7 градус хүйтэн хоносон.

Салхины их хурд Мандалговь, Сайхан-Овоо, Гурвансайхан, Эрдэнэдалай сумдад  21 - 24 м/с, бусад нутгаар түр зуур 12 - 18 м/с хүрч 9 - 17 өдөр 10 м/с-ээс их салхитай өдөр ажиглагдсан.

Хур тунадасны хувьд нийт нутгаар 3,9 – 41,1 мм, 4 – 11 өдөр  орсон ба олон жилийн дундажтай харьцуулахад Адаацаг суманд 41,1 мм, Мандалговь, Сайхан-Овоо, Эрдэнэдалай, Цагаандэлгэр сумдад 20,6 – 26,0 мм буюу  олон жилийн дунджаас ахиу, Луус, Хулд сумдад 7,5 – 8,6 мм буюу олон жилийн дунджийн орчим, Гурвансайхан, Говь-Угтаал, Баянжаргалан, Өлзийт, Дэлнэрхангай сумдад 3,9 – 7,7 мм буюу олон жилийн дунджаас бага хур тунадас орсон.

Энэ 10 хоногт хөдөө аж ахуйн үйлдвэрлэлд  мал саах, гар тэжээл бэлтгэх зэрэг ажил  явагдахад цаг агаар тааламжтай дулаан байсан. Малын усан хангамж  хүрэлцээ хэвийн. Бэлчээрийн ургамал хатаж, хагдарч байна, ургамлын өндөр дунджаар  5- 9 см, ургац 0,3 – 1,4 ц/га, ургамлын ургалтын байдал Говь-Угтаал, Цагаандэлгэр, Адаацаг, Баянжаргалангийн өмнө  зүгээс бусад зүг ургамлын ургалт сайн буюу нийт нутгийн 30 гаруй хувь, Хулд сумын өмнө зүгийн нутгаар ургамлын ургалт муу, бусад нутгаар буюу нийт нутгийн 70 хувьд ургамлын ургалт дунд зэрэг байна.

Цаг агаарын нөхцөл байдал үе үе хөрсөн дээр цочир хүйтрэх учир  малчид, ард иргэд сэрэмжтэй байхыг анхааруулж байна.

Тойм бичсэн: ЦУОТХэлтсийн ХААЦУ ахлах техникч  Б.Баасанжаргал.