2019 оны 4 дүгээр сарын дунд 10 хоногийн Цаг агаарын нөхцлийн тойм мэдээ

Дунд 10 хоногт агаарын дундаж температур нийт нутгаар  6,1 - 10,7 градус дулаан байсныг нь олон жилийн дундажтай харьцуулахад нийт нутгаар 2,6 – 7,0 градусаар олон жилийн дунджаас дулаан байжээ. Агаарт  өдөртөө нийт нутгаар 22 - 25 градус дулаан,  шөнөдөө Эрдэнэдалай суманд 10 градус, бусад нутгаар 2 -7 градус хүйтэн  байжээ.

Хөрсний гадаргын температур өдөртөө Гурвансайхан суманд 46 градус, бусад нутгаар 36 - 41 градус дулаан, хөрсөн дээр 40 градусаас дулаан өдрийн тоо Гурвансайхан, Баянжаргалан, Дэрэн сумдад 1 – 5 өдөр тохиосон. Шөнөдөө Луус, Хулд сумдад 3 – 5 градус, бусад нутгаар 6 - 11  градус хүйтэн байжээ.

Тунадасны хувьд ихэнх нутгаар хур тунадас ороогүй. Адаацаг, Дэрэн, Мандалговьд 0,0 – 0,1 мм хур тунадас 1 өдөр орсон.

Салхины их хурд  Адаацаг, Баянжаргалан, Дэрэн, Хулд, Луус, Дэлгэрхангай, Өндөршил, Өлзийт сумдад 12 - 18 м/секунд, бусад нутгаар 20 - 23 м/секунд хүрч  2 - 10 өдөр 10 м/секундээс их салхитай өдөр ажиглагдсан. 16-нд Сайхан-Овоо, Эрдэнэдалайд 15-16 м/с, 17-нд Гурвансайхан Цагаандэлгэрт 15-17 м/с, 19-нд Луус, Баянжаргалан, Мандалговь, Сайхан-Овоо, Цагаандэлгэр, Говь-Угтаал, Гурвансайхан сумдаар 16-22 м/с бусад сумдаар 9-14 м/с, бусад хугацаанд ихэнх нутгаар 8-13 м/с салхитай байсан.

Энэ 10 хоногт хөдөө аж ахуйн үйлдвэрлэлд  малчид өвөлжөөндөө байгаа зарим нэг айлууд хаваржаандаа бууж эхлэсэн.  Бог, бод мал төллөөд дуусч байгаа, ямаа самнаж байна. Эдгээр ажил явагдахад цаг агаар салхи, шуургатай таагүй байлаа. Малын усан хангамжийн  хүрэлцээ муу байна. Цаг агаарын тэнгэр муудалтаас болж төл мал хоол муутай, эх мал төлөө цатгахгүй сэнсрэх зэрэг  хүндрэл учирч болзошгүй.

Тойм бичсэн:  ЦУОТХэлтсийн ХААЦУ инженер  Б. Болортуяа.