2022 оны 9 дүгээр сарын дунд 10 хоногийн Цаг агаарын нөхцлийн тойм мэдээ

Дунд 10 хоногт агаарын дундаж температур нийт нутгаар  13,5 – 17,6 градус дулаан байсныг нь олон жилийн дундажтай харьцуулахад нийт нутгаар 2,9 – 4,3 градусаар олон жилийн дунджаас дулаан байжээ. Агаарт  өдөртөө нийт нутгаар 28 – 32 градус дулаан,  шөнөдөө 2 градус хүйтнээс 2 градус дулаан байжээ. Агаарт 30 градусаас давж Сайхан-Овоо, Эрдэнэдалай, Гурвансайхан, Дэрэн, Баянжаргалан, Дэлгэрхангай, Хулд, Өлзийтийн нутгаар 1 - 2 өдөр халсан.

Хөрсний гадаргын температур өдөртөө нийт нутгаар 44 – 53 градус дулаан, хөрсөн дээр 40 градусаас дулаан өдрийн тоо нийт нутгаар 4 - 5 өдөр ажиглагдсан. Шөнөдөө нийт нутгаар 5 градус хүйтнээс 2 градус дулаан хоносон.

Тунадасны хувьд зарим нутгаар 0,1 – 4,2 мм хур тунадас 1 - 2 өдөр, Дэлгэрхангайд 4,2 мм, бусад нутгаар 0,1 – 3,2 мм хур тунадас орсон. Зүүн талын сумдаар хур тунадас ороогүй.

Салхины их хурд нийт нутгаар түр зуур 16 - 26 м/с хүрч 1 - 9 өдөр 10 м/с-ээс их салхитай өдөр ажиглагдсан.

Энэ 10 хоногт хөдөө аж ахуйн үйлдвэрлэлд  малчид отор нүүдэл хийх,  мал саах, гар тэжээл бэлтгэх зэрэг ажил  явагдахад цаг агаар тааламжтай байсан. Малын усан хангамж  хүрэлцээтэй. Бэлчээрийн ургамал хаталт хагдралт ажиглагдаж байна, ургамлын өндөр дунджаар 6 - 12 см, Сайнцагааны хойд тал, Адаацаг, Дэрэн, Говь-Угтаал, Цагаандэлгэр сумдын нутгаар сайн буюу нийт нутгийн 30 хувь, Сайхан-Овоо, Дэлгэрхангай, сумын баруун, зүүн тал, Хулд сумдад муу буюу нийт нутгийн 20 хувь нь, бусад нутгаар  дунд зэрэг буюу нийт нутгийн 50 хувь нь гандуу. Бог малын мялзан халдварт өвчин зарим сумдад илэрсэн, вакцинжуулалт хийгдэж байна.

Цаг агаарын нөхцөл байдал үе үе хөрсөн дээр цочир хүйтрэх учир  малчид, ард иргэд сэрэмжтэй байхыг анхааруулж байна.

Тойм бичсэн:

 ЦУОТХэлтсийн ХААЦУ инженер  Б. Болортуяа.