2022 оны 4 дүгээр сарын эхний 10 хоногийн Цаг агаарын нөхцлийн тойм мэдээ

Эхний 10 хоногт агаарын дундаж температур нийт нутгаар  6,0 – 10,4 градус дулаан байсныг нь олон жилийн дундажтай харьцуулахад нийт нутгаар 5,0 – 9,9 градусаар олон жилийн дунджаас дулаан байжээ. Агаарт  өдөртөө нийт нутгаар 20 - 24 градус дулаан,  шөнөдөө Гурвансайханд 3 градус, бусад нутгаар 4 - 9 градус хүйтэн  байжээ.

Хөрсний гадаргын температур өдөртөө Луус, Адаацаг, Говь-Угтаалд 30 - 36 градус, бусад нутгаар 37 - 42 градус дулаан, шөнөдөө нийт нутгаар 8 - 12  градус хүйтэн байжээ.

Тунадасны хувьд Адаацаг, Эрдэнэдалай сумдад 0,0 мм хур тунадас орсон, бусад нутгаар хур тунадас ороогүй.

Салхины их хурд түр зуур нийт нутгаар 16 - 23 м/с хүрч 4 – 10 өдөр 10 м/с-ээс их салхитай өдөр ажиглагдсан.

Энэ 10 хоногт хөдөө аж ахуйн үйлдвэрлэлд  малчид өвөлжөөндөө  малдаа нэмэгдэл тэжээл өгөх, бог бод мал төллөх, ямаа самнах ажил явагдахад цаг агаар тааламжтай ч малын тарга хүч дунд зэрэг хаваржилт хэвийн байна. Цаг агаарын аюултай үзэгдлээс болж учирсан хохиролгүй. Малын усан хангамжийн  хүрэлцээ дунд зэрэг байна.

Тойм бичсэн:  ЦУОТХэлтсийн ХААЦУ инженер  Б. Болортуяа.