2020 оны 03 дугаар сарын эхний 10 хоногийн Цаг агаарын нөхцлийн тойм мэдээ

Эхний 10 хоногт агаарын дундаж температур Өлзийт, Хулд, Дэлгэрхангай сумдад 4,2 – 5,0 градус, бусад нутгаар  6,4 – 11,6 градус хүйтэн байсныг нь олон жилийн дундажтай харьцуулахад Мандалговь, Сайхан-Овоо, Өлзийт, Дэлгэрхангай сумдын нутгаар 2,6 – 3,5 градусаар олон жилийн дунджаас дулаан, бусад нутгаар олон жилийн дунджийн орчим байжээ. Агаарт  өдөртөө Адаацаг, Дэрэн, Говь-Угтаал, Цагаандэлгэр, Баянжаргалан сумдад 0 - 4 градус, бусад нутгаар 6 - 10 градус дулаан,  шөнөдөө нийт нутгаар 18 - 21 градус хүйтэн  байжээ.

Хөрсний гадаргын температур өдөртөө Адаацаг, Дэрэн, Дэлгэрхангай сумдад 8 – 13 градус, бусад нутгаар 16 – 27 градус дулаан, шөнөдөө Мандалговь, Говь-Угтаал, Адаацаг, Дэрэн, Баянжаргалан, Цагаандэлгэр, сумдад 25 - 32 градус, бусад нутгаар 19 - 24  градус хүйтэн байжээ.

Тунадасны хувьд зарим нутгаар 0,0 -1,7 мм тунадас орсон. Эрдэнэдалай, Адаацаг, Говь-Угтаал, Цагаандэлгэр сумдад 1,0 – 1,7 мм, бусад нутгаар 0,0 – 0,5 мм  тунадас 1 – 3 өдөр орсон.

Салхины их хурд нийт нутгаар 10 - 21 м/сек хүрч 2 - 10 өдөр 10 м/секундээс их салхитай өдөр ажиглагдсан.

Тус сарын 10-ны өдрийн байдлаар Адаацаг, Дэрэн, Цагаандэлгэр, Говь-Угтаал сумдад 0 – 2 см зузаантай  5-9 балл, Эрдэнэдалай, Мандалговь, Баянжаргалан, Өндөршил, Дэлгэрхангай сумдад 1-4 баллын мөстсөн цастай, бусад нутгаар цасгүй.

Энэ 10 хоногт хөдөө аж ахуйн үйлдвэрлэлд  малчид өвөлжөөндөө  малдаа нэмэгдэл тэжээл өгөх, бог бод мал төллөх ажил явагдахад цаг агаар хэвийн тогтуун байлаа. Малын усан хангамжийн хүрэлцээ дунд зэрэг байна. Цаг агаарын нөхцөл байдлаас шалтгаалан малын бэлчээрлэлтэнд хүндрэл учираагүй ба одоогийн байдлаар өвс тэжээлийн муу байгаагаас мал жилбэгүй төллөх, бог мал турах зэрэг хүндрэл учирч байна.

Тойм бичсэн:  ЦУОТХэлтсийн ХААЦУ инженер  Б. Болортуяа.