2023 оны 12 дугаар сарын дунд 10 хоногийн Цаг агаарын нөхцлийн тойм мэдээ

Дунд 10 хоногт агаарын дундаж температур нийт нутгаар 22,1 – 25,4 градус хүйтэн байсныг нь олон жилийн дундажтай харьцуулахад нийт нутгаар олон жилийн дунджаас 6,6 – 8,5 градусаар хүйтэн байжээ. Агаарт өдөртөө Дэлгэрхангайд 11 градус, бусад нутгаар 13 – 18 градус хүйтэн, шөнөдөө Цагаандэлгэр суманд 36 градус, бусад нутгаар 30 - 34 градус хүйтэн байжээ. Агаарт 30 градусаас давж Сайхан-Овоо, Эрдэнэдалай, Адаацаг, Цагаандэлгэр сумдад 5-6 өдөр, бусад нутгаар 1-4 өдөр хүйтэрсэн.

Хөрсний гадаргын температур өдөртөө Цагаандэлгэр, Адаацаг, Баянжаргалан, Дэрэн, Луус, Өндөршил сумдад 8 – 12 градус, бусад нутгаар 2 - 7 градус хүйтэн, шөнөдөө Цагаандэлгэр суманд 43  градус, бусад нутгаар 32 - 38 градус хүйтэн хоносон.

Тунадасны хувьд нийт нутгаар  2,4 – 8,6 мм хур тунадас 4 – 6 өдөр орсон.   Говь-Угтаал суманд  8,6  мм, Дэлгэрхангай суманд 7,4 мм, Мандалговь, Цагаандэлгэр сумдад 6,0 – 6,3 мм, Хулд, Эрдэнэдалай, Дэрэн, Луус сумдад 4,5 – 5,7 мм, Баянжаргалан, Адаацаг, Сайхан-Овоо сумдад 3,5 – 3,9 мм, Өлзийт, Өндөршил, Гурвансайхан сумдад 2,4 – 2,7 мм хур тунадас орсон.

Салхины их хурд  Цагаандэлгэрд 8 м/с, бусад нутгаар түр зуур 10 - 17 м/с хүрч 1 – 7 өдөр 10 м/с-ээс их салхитай өдөр ажиглагдсан.

 Цасан бүрхүүлийн хувьд нийт нутгаар цасан бүрхүүлтэй байна. Өлзийт, Цагаандэлгэр сумдад 5-6 см зузаантай, 0.26-0.36  гр/см³, зарим газраа хунгарласан битүү 10 баллын цасан бүрхүүлтэй.  Сайхан-Овоо, Сайнцагаан, Луус, Дэлгэрхангай, Өндөршил, Хулд сумдаар 4 см зузаантай, 0.14-0.29 гр/см3 нягттай, бага зэргийн хунгарласан битүү цастай, Дэрэн, Баянжаргалан сумдад 2 см зузаантай, 0.19 гр/см3 нягттай, битүү 10 баллын цастай, Гурвансайхан, Адаацаг, Эрдэнэдалай сумдад 1-2 см зузаантай, 0.25 гр/см3 нягттай, 5-9 баллын цасан бүрхүүлтэй байна.

Энэ 10 хоногт хөдөө аж ахуйн үйлдвэрлэлд  цас их орсон, хүйтэн байгаагийн улмаас өвөлжилт хүндэрсэн,  малчид 1 удаагийн цасан шуурганаар адуугаа уруудуулсан, малдаа нэмэгдэл тэжээл өгөх зэрэг ажил  явагдахад цаг агаар тааламжгүй хүйтэн байлаа. Малын усан хангамжийн  хүрэлцээ хэвийн.

Тойм бичсэн:

ХААЦУ ахлах техникч  Б. Баасанжаргал