2022 оны 10 сарын цаг агаарын тойм мэдээ

Энэ сард агаарын дундаж температур Адаацагт 0,5 градус хүйтэн, бусад нутгаар 0,1 – 4,4 градус дулаан байсан нь олон жилийн дундажтай харьцуулахад Сайхан-Овоо, Эрдэнэдалай, Адаацаг, Дэрэн, Мандалговь, Гурвансайхан сумдад олон жилийн дунджаас 1,1 – 1,5 градусаар хүйтэн, бусад  нутгаар олон жилийн дунджийн орчим байлаа. Өдөртөө нийт нутгаар 15 – 20 градус дулаан, шөнөдөө  9 - 14 градус хүйтэн  байжээ.

Хөрсний гадаргын температур өдөртөө Эрдэнэдалай, Цагаандэлгэр  сумдад 25 – 26 градус, бусад нутгаар 28 - 35 градус дулаан, шөнөдөө  нийт нутгаар 11 - 15 градус хүйтэн хоносон.

Салхины их хурд нийт нутгаар түр зуур 14 - 25 м/с  хүрч 3 – 16 удаа 10 м/с-ээс их салхитай өдөр ажиглагдсан. 2, 7, 8-ны өдрүүдэд ихэнх нутгаар нойтон цас, орон шуурга, 15-нд Эрдэнэдалай, Адаацагт нойтон цас, 21-нд зарим нутгаар, 30-нд ихэнх нутгийг хамарсан хүчтэй салхи, нойтон цас, цасан шуургатай байсан.

Хур тунадасны хувьд нийт нутгаар 3 - 8 удаа 1,1 – 19,2 мм  орсон.  Адаацаг, Эрдэнэдалайд 19,0 - 19,2 мм, Мандалговьд 15, 0 мм, Дэрэн, Говь-Угтаал, Дэлгэрхангайд 12,2 – 12,8 мм, Цагаандэлгэрт 10,9 мм, Гурвансайхан,  Баянжаргалан 7,1 – 7,8 мм, Луус, Хулдад 3,7 – 3,9 мм буюу ихэнх нутгаар олон жилийн дунджийн дунджаас ахиу, Өлзийт, Сайхан-Овоо сумдад 2,8 – 4,2 мм буюу олон жилийн дунджийн орчим, Өндөршилд 1,1 мм буюу олон жилийн дунджаас бага  хур тунадас орсон.

Энэ сард хөдөө аж ахуйн үйлдвэрлэлд  малчид отор нүүдэл хийх, өвөлжилтын бэлтгэл ажил хороо бууцаа сийлэх, хужир шүү татах, бог малын хээлтүүлэг  зэрэг ажил явагдахад үе үе хүчтэй салхи, цасан шуургатай хэдийч цас орж хайлж хөрсөндөө шингэж малчидад  тааламжтай байлаа. Малын усан хангамжийн  хүрэлцээ хэвийн. Одоогийн байдлаар цаг агаарын хүндрэлээс болж учирсан хохирол байхгүй байна.

Тойм бичсэн:  ЦУОТХэлтсийн ХААЦУ инженер  Б. Болортуяа.