2023 оны 2 дугаар сарын эхний 10 хоногийн Цаг агаарын нөхцлийн тойм мэдээ

Эхний 10 хоногт агаарын дундаж температур Эрдэнэдалай суманд 14,7 градус, бусад нутгаар  9,0 – 13,9 градус хүйтэн байсныг нь олон жилийн дундажтай харьцуулахад нийт нутгаар олон жилийн дунджаас 2,5 – 7,0 градусаар дулаан байжээ. Агаарт  өдөртөө  нийт нутгаар 3 градус хүйтэнээс 2   градус дулаан, шөнөдөө Сайхан-Овоо, Эрдэнэдалай, Адаацаг сумдын нутгаар 26-27 градус хүйтэн, бусад нутгаар 19 - 24 градус хүйтэн  байжээ.

Хөрсний гадаргын температур өдөртөө нийт нутгаар 3 - 15 градус дулаан, шөнөдөө нийт нутгаар 22 - 30  градус хүйтэн байжээ.

Тунадасны хувьд ихэнх нутгаар 0,0 – 2,0 мм хур тунадас 1 – 3 өдөр орсон. Эрдэнэдалай суманд 2,0 мм, Дэлгэрхангай сумад 1,0 мм, бусад сумдаар 0,0-0,9 мм  хур тунадас орсон. Цагаандэлгэр, Говь-Угтаал, Баянжаргалан сумдын нутгаар хур тунадас ороогүй.

Салхины их хурд Мандалговь, Сайхан-Овоо, Гурвансайхан, Цагаандэлгэр, Баянжаргалан, Дэрэн, Луус, Өндөршил сумдын  нутгаар 6 – 9 м/с, бусад нутгаар түр зуур 10 – 14 м/с хүрч 1 – 2 өдөр 10 м/с-ээс их салхитай өдөр ажиглагдсан.

Тус сарын 10-ны өдрийн байдлаар Сайхан-Овоо, Эрдэнэдалай, Өндөршил  сумдын нутгаар 1 см зузаантай, 10 баллын битүү цастай, Цагаандэлгэр, Адаацаг, Луус, Өлзийт, Дэлгэрхангай сумдад 0 - 1 см зузаантай, 5 – 9 баллын мөстсөн цастай, бусад нутгаар 1 - 4  баллын мөстсөн цастай, Говь-Угтаал, Баянжаргалан сумдад цасгүй байна.

Энэ 10 хоногт хөдөө аж ахуйн үйлдвэрлэлд  малчид өвөлжөөндөө  малдаа нэмэгдэл тэжээл өгөх, мал бэлчээрлэхэд хүндрэлгүй цаг агаар дулаанхан тогтуун байлаа. Малын усан хангамжийн  хүрэлцээ хэвийн байна.

Тойм бичсэн:  ЦУОТХэлтсийн ХААЦУ ахлах техникч  Б. Баасанжаргал.