2020 оны 8 дугаар сарын эхний 10 хоногийн Цаг агаарын нөхцлийн тойм мэдээ

Эхний 10 хоногт агаарын дундаж температур Говь-Угтаал, Цагаандэлгэр сумдад 16,9 – 17,4 буюу олон жилийн дунджаас 1,1 – 1,7 градусаар сэрүүн, бусад нутгаар  18,4 – 22,6 градус дулаан буюу олон жилийн дунджийн орчим байжээ. Агаарт  өдөртөө нийт нутгаар 27 – 32 градус дулаан,  шөнөдөө 9 - 13 градус дулаан байжээ. Агаарт 30 градусаас давж Говь-Угтаалаас бусад нутгаар 1 - 3 өдөр халсан.

Хөрсний гадаргын температур өдөртөө Гурвансайхан, Цагаандэлгэр, Баянжаргалан, Луус, Өндөршил сумдад 59 - 61 градус, бусад нутгаар 53 - 58 градус дулаан, хөрсөн дээр 40 градусаас дулаан өдрийн тоо нийт нутгаар 7 - 10 өдөр тохиосон. Шөнөдөө нийт нутгаар 6 - 11 градус дулаан хоносон.

Тунадасны хувьд нийт нутгаар 0,0 – 17,5 мм хур тунадас орсон. Адаацагт 17,5 мм, Мандалговь, Говь-Угтаалд 10,6 – 11,8 мм, Эрдэнэдалай, Луус сумдад 8,1 – 8,5 мм, бусад нутгаар 0,0 – 5,2 мм хур тунадас 2 - 6 өдөр орсон. Өндөршилд хур тунадас ороогүй.

Салхины их хурд Говь-Угтаал, Мандалговь Сайхан-Овоо, Цагаандэлгэр, Дэлгэрхангай сумдад 21 - 27 м/с, бусад нутгаар түр зуур 10 - 18 м/с хүрч 3 - 9 өдөр 10 м/с-ээс их салхитай өдөр ажиглагдсан.

Энэ 10 хоногт хөдөө аж ахуйн үйлдвэрлэлд  малчид отор нүүдэл хийх,  малын угаалага хийхэд цаг агаар тааламжтай байсан. Малын усан хангамж дунд зэрэг. Бэлчээрийн ургамлын ургалт тааруу үе шат бүрэн явагдахгүй чийг дутмаг хур бороо бага байсан ба өмнөх 10 хоногт хур бороо ихэнх нутгийг хамарч орсон учир зуншлага дээрдэж, ургамал сэргэх төлөвтэй байна. Ургамлын өндөр дунджаар 2 - 9 см, ургамлын ургалтын байдал Цагаандэлгэр, Адаацаг сумдад хэвийн буюу нийт нутгийн 10 гаруй хувь. Сайхан-Овоо, Өлзийт сумын хойд, зүүн тал, Луусын баруун урд тал, Өндөршилийн зүүн, урд тал,  Хулд, Дэлгэрхангай сумдын нутгаар  муу буюу нийт нутгийн 35 гаруй хувь, бусад нутгаар дунд зэрэг  буюу нийт нутгийн 50  гаруй хувь.

Цаг агаарын нөхцөл байдал халалтаас үүссэн түр зуурын аянга цахилгаантай аадар борооноос малчид, ард иргэд сэрэмжтэй байхыг анхааруулж байна.

Тойм бичсэн:  ЦУОТХэлтсийн ХААЦУ-ын инженер  Б. Болортуяа