2023 оны 1 дүгээр сарын сүүлийн 10 хоногийн Цаг агаарын нөхцлийн тойм мэдээ

Сүүлийн 10 хоногт агаарын дундаж температур нийт нутгаар  15,4 – 20,0 градус хүйтэн байсныг нь олон жилийн дундажтай харьцуулахад Дэрэн, Луус, Хулд сумдад олон жилийн дунджаас 1,3 – 2,0 градусаар дулаан, бусад нутгаар олон жилийн дунджийн орчим байжээ. Агаарт  өдөртөө Гурвансайхан суманд 2 градус дулаан, бусад ихэнх нутгаар 4 градус хүйтнээс 1 градус дулаан,  шөнөдөө нийт нутгаар 32 - 36 градус хүйтэн  байжээ. Агаарт нийт нутгаар 30 градусаас хүйтэн 1 – 2 хоног үргэлжилсэн.

Хөрсний гадаргын температур өдөртөө Сайхан-Овоо, Адаацаг сумдад 1 – 3 градус хүйтэн, бусад нутгаар 2 - 10 градус дулаан, шөнөдөө Өндөршил, Цагаандэлгэрт 39 градус, бусад нутгаар 32 - 37  градус хүйтэн байжээ.

Тунадасны хувьд нийт нутгаар 0,0 – 2,1 мм хур тунадас 1 - 2 өдөр орсон. Дэлгэрхангайд 2,1 мм, Сайхан-Овоод 1,2 мм, бусад нутгаар 0,0 - 0,7 мм цас орсон. Адаацаг, Цагаандэлгэр, Говь-Угтаал, Баянжаргалан сумдад хур тунадас ороогүй.

Салхины их хурд түр зуур Мандалговь, Гурвансайханд 19 - 20 м/с, бусад нутгаар 10 - 16 м/с, хүрч 2 - 10 өдөр 10 м/с-ээс их салхитай өдөр ажиглагдсан.

Тус сарын 31-ны өдрийн байдлаар Адаацаг, Цагаандэлгэр, Сайхан-Овоо сумдад 0 - 2 см зузаантай, 5 - 9 баллын сэвсгэр цастай, бусад нутгаар 1-4  баллын мөстсөн цасан бүрхүүл тогтоод байна. Дэрэн, Гурвансайхан, Говь-Угтаал, Баянжаргалан, Өндөршил сумдад цасгүй байна.

Энэ 10 хоногт хөдөө аж ахуйн үйлдвэрлэлд  малчид өвөлжөөндөө  малдаа нэмэгдэл тэжээл өгөх ажил үргэлжилж байна, гаднаас нэлээд малчид оторлож байгаа. 21, 22-нд агаарт 32-36 градус хүрч огцом хүйтэрч мал бэлчээрлэхэд хүндрэлтэй байлаа. Малын усан хангамжийн  хүрэлцээ хэвийн байна.

Тойм бичсэн:  ЦУОТХэлтсийн ХААЦУ инженер  Б. Болортуяа.