2021 оны 5 дугаар сарын сүүлийн 10 хоногийн Цаг агаарын нөхцлийн тойм мэдээ

Сүүлийн 10 хоногт агаарын дундаж температур нийт нутгаар  9,1 – 14,1 градус дулаан байсныг нь олон жилийн дундажтай харьцуулахад нийт  нутгаар 2,6 – 4,9 градусаар олон жилийн дунджаас хүйтэн байжээ. Агаарт  өдөртөө нийт нутгаар 25 - 31 градус дулаан, шөнөдөө 3 градус хүйтнээс 1 градус дулаан байжээ. Агаарт 30 градусаас давж Сайхан-Овоо, Өлзийт сумдад 1 өдөр халсан.

Хөрсний гадаргын температур өдөртөө Сайхан-Овоо, Эрдэнэдалай, Өндөршил сумдад 50 - 55 градус, бусад нутгаар 41 - 49 градус дулаан, хөрсөн дээр 40 градусаас дулаан өдрийн тоо нийт нутгаар 1 - 9 өдөр тохиосон. Шөнөдөө нийт нутгаар 1 - 4 градус хүйтэн хоносон.

Тунадасны хувьд ихэнх нутгаар 0,6 – 6,9 мм хур тунадас орсон. Мандалговьд 6,9 мм, Цагаандэлгэрт 5,9 мм, бусад нутгаар 0,6 – 4,3 мм хур тунадас орсон. Өндөршилд хур тунадас ороогүй.

Салхины их хурд түр зуур 20 - 33 м/с хүрч 8 - 11 өдөр 10 м/с-ээс их салхитай өдөр ажиглагдсан. 21-нд Сайнцагаан, Эрдэнэдалай, Гурвансайхан, Цагаандэлгэр, Говь-Угтаал, Дэлгэрхангай, Луус сумдаар 15-17 м/с зарим үед 20-27 м/с, 22-нд Өлзийт, Өндөршил сумдаар 28 м/с бусад сумдаар 15-26 м/с, түр зуур 28-33 м/с хүрч шороон шуурга шуурсан.

Энэ 10 хоногт хөдөө аж ахуйн үйлдвэрлэлд  малчид отроор нүүж,  бог  малын төл хөнгөлөх, тэмээ ноослох ажил  явагдахад цаг агаар тааламжгүй, салхи, шуурга ихтэй байлаа. Малын усан хангамжийн  хүрэлцээ муу байна. Бэлчээрийн ургамал таана, хазаар хялгана цухуйсан боловч хур тунадас бага, салхи ихтэй, шөнөдөө сэрүүн хонож байгаагаас ургалт удааширалтай, үзүүрээсээ хатаж гэмтсэн ургамлын өндөр дунджаар 0 - 6 см, ургамлын ургалтын байдал Сайхан-Овоогийн зүүн тал, Адаацагийн хойд тал, Эрдэнэдалай, Цагаандэлгэр сумдад дунд зэрэг буюу нийт нутгийн 20 орчим хувь, бусад нутгаар ургамлын ургалт муу байна.

 Цаг агаарын нөхцөл байдлаас шалтгаалан  малчид ард иргэдэд учирсан хохирол байхгүй боловч мал ногоонд цадах боломжгүй, малын тарга хүч тааруу байна.

Тойм бичсэн:  ЦУОТХэлтсийн ХААЦУ инженер  Б. Болортуяа.