2019 оны 6 дугаар сарын дунд 10 хоногийн Цаг агаарын нөхцлийн тойм мэдээ

Дунд 10 хоногт агаарын дундаж температур нийт нутгаар  18,8-23,8 градус дулаан байсныг нь олон жилийн дундажтай харьцуулахад Дэрэн, Говь-Угтаал, Өндөршил сумдад олон жилийн дунджийн орчим, бусад  нутгаар 2,0-3,3 градусаар олон жилийн дунджаас дулаан байжээ. Агаарт  өдөртөө нийт нутгаар 29 - 33 градус дулаан,  шөнөдөө 8 - 13 градус дулаан байжээ. Агаарт 30 градусаас давж Говь-Угтаал сумаас бусад нутагт 1 - 5 өдөр халсан.

Хөрсний гадаргын температур өдөртөө Адаацаг, Говь-Угтаал, Өндөршил сумдад 51 – 58 градус, бусад нутгаар 60 - 65 градус дулаан, хөрсөн дээр 40 градусаас дулаан 8-10 өдөр халсан. Шөнөдөө Цагаандэлгэр, Говь-Угтаал сумдаар 3 - 5 градус, бусад нутгаар 6-11 градус дулаан хоносон.

Тунадасны хувьд ихэнх нутгаар 0,8 – 26,7 мм хур тунадас орсон. Цагаандэлгэр суманд 26,7 мм, Говь-Угтаал, Өндөршил сумдад 20,4 – 22,4 мм, Баянжаргалан суманд 14,6 мм, бусад нутгаар 0,8 – 5,9 мм хур тунадас 2 - 6 өдөр орсон.

Салхины их хурд нийт нутгаар түр зуур Өндөршил, Хулд сумдад 8 м/сек, бусад нутгаар 10 - 22 м/секунд хүрч 2 - 7 өдөр 10 м/секундээс их салхитай өдөр ажиглагдсан.

Энэ 10 хоногт хөдөө аж ахуйн үйлдвэрлэлд  малчид отроор нүүж,  тэмээ ноослох ажил  явагдаж байна. Эдгээр ажил явагдахад цаг агаар тааламжгүй, халуун салхитай байлаа. Малын усан хангамжийн  хүрэлцээ муу байна. Бэлчээрийн ургамал таана, хазаар хялгана цухуйсан боловч салхи ихтэй, хуурайшилттай хур тунадас бага байгаагаас ургалт удааширалтай, үзүүрээсээ хатаж гэмтсэн ургамлын өндөр дунджаар 2 - 8 см, ургамлын ургалтын байдал Эрдэнэдалай, Адаацаг, Баянжаргалан, Өлзийт, Өндөршил сумдад муу буюу нийт нутгийн 30 хувь,  бусад нутгаар буюу 70 хувь нь дунд зэрэг байна. Цаг агаарын нөхцөл байдлаас шалтгаалан  малчид ард иргэдэд учирсан хохирол байхгүй.

Тойм бичсэн:  ЦУОТХэлтсийн ХААЦУ инженер  Б. Болортуяа.