2018 оны 12 дугаар сарын эхний 10 хоногийн Цаг агаарын нөхцлийн тойм мэдээ

Эхний 10 хоногт агаарын дундаж температур нийт нутгаар  16,9-20,6 градус хүйтэн байсныг нь олон жилийн дундажтай харьцуулахад нийт нутгаар олон жилийн дунджаас 3,8-7,9 градусаар хүйтэн байжээ. Агаарт  өдөртөө  нийт нутгаар 4-8 градус дулаан, шөнөдөө Сайхан-Овоо, Эрдэнэдалай сумдад 33 градус, бусад нутгаар 27 - 32 градус хүйтэн байжээ. Агаарт шөнөдөө 30 градусаас хүйтэн Сайхан-Овоо, Эрдэнэдалай сумдад 5 шөнө, Адаацаг, Говь-Угтаал, Цагаандэлгэр, Мандалговь, Дэлгэрхангай сумдад 1-2 шөнө хүйтэн хоносон.

Хөрсний гадаргын температур өдөртөө Хулд суманд 15 градус, бусад нутгаар 7-12 градус дулаан, шөнөдөө Өндөршил суманд 29 градус, Дэлгэрхангай, Сайхан-Овоо, Адаацаг сумдад 36-38 градус, бусад нутгаар 30 - 35 градус хүйтэн хоносон.

Тунадасны хувьд ихэнх нутгаар  0,0 – 1,6 мм хур тунадас 1-2 өдөр орсон.  Дэлгэрхангай суманд 1,6 мм, бусад нутгаар 0,0 – 0,7 мм хур тунадас орсон, нутгийн зүүн талаар хур тунадас ороогүй.

Салхины их хурд нийт нутгаар түр зуур 12 - 23 м/секунд хүрч 1 – 6 өдөр 10 м/секундээс их салхитай өдөр ажиглагдсан.

Цасан бүрхүүлийн хувьд Дэлгэрхангай, Сайхан-Овоо сумдад 2 см зузаантай 5-9 баллын цасан бүрхүүлтэй, Хулд, Луус, Адаацаг сумдад 0-1 см зузаантай, 5-9 баллын цасан бүрхүүлтэй, Эрдэнэдалай, Өлзийт сумдад 1-4 баллын мөстсөн цастай, нутгийн зүүн талаар  цасгүй байна.

Энэ 10 хоногт хөдөө аж ахуйн үйлдвэрлэлд  малчид өвөлжилдөө идэшээ хийх, хужир шүү татах  зэрэг ажил  явагдахад цаг агаар тааламжтгүй хүйтэн байсан. Малын усан хангамжийн  хүрэлцээ дунд зэрэг. Одоогийн байдлаар цаг агаарын хүндрэлээс болж учирсан хохирол байхгүй байна.

Тойм бичсэн:  ЦУОТХэлтсийн ХААЦУ инженер  Б. Болортуяа.