2017 оны 11 дугаар сарын сүүлийн 10 хоногийн Цаг агаарын нөхцлийн тойм мэдээ

2017 оны 11 дүгээр сарын сүүлийн 10 хоногийн

Цаг агаарын нөхцлийн тойм мэдээ

Сүүлийн 10 хоногт агаарын дундаж температур нийт нутгаар  9,3 – 14,7 градус хүйтэн байсныг нь олон жилийн дундажтай харьцуулахад Сайхан-Овоо, Дэлгэрхангай сумдад олон жилийн дунджаас 2,7-4,8 градусаар дулаан, Дэрэн, Луус, Өлзийт, Өндөршил сумдад олон жилийн дунджийн орчим, бусад нутгаар олон жилийн дунджаас 1,1 – 3,3 градусаар хүйтэн байжээ. Агаарт  өдөртөө  Сайхан-Овоо, Дэлгэрхангай, Луус, Өлзийт, Хулд сумдад 4-8 градус дулаан, бусад нутгаар 2 градус хүйтнээс 3 градус дулаан, шөнөдөө нийт нутгаар 22 - 26 градус хүйтэн байжээ.

Хөрсний гадаргын температур өдөртөө Сайхан-Овоо, Гурвансайхан, Өлзийт, Хулд сумдад 6-11 градус дулаан, бусад нутгаар 3 градус хүйтнээс 1-5 градус дулаан, шөнөдөө Адаацаг, Цагаандэлгэр сумдад 29 - 34 градус, бусад нутгаар 23 - 28 градус хүйтэн хоносон.

Тунадасны хувьд ихэнх нутгаар  0,0 – 2,4 мм хур тунадас 1 – 5 өдөр орсон.  Адаацаг суманд 2,4 мм, Эрдэнэдалай,  Говь-Угтаал сумдад 1,2 – 1,5 мм, бусад нутгаар 0,0 – 0,7 мм хур тунадас орсон, Сайхан-Овоо, Дэлгэрхангай сумдад хур тунадас ороогүй.

Салхины их хурд нийт нутгаар түр зуур 10 - 24 м/секунд хүрч 2 – 7 өдөр 10 м/секундээс их салхитай өдөр ажиглагдсан.

Цасан бүрхүүлийн хувьд Цагаандэлгэр суманд 2 см зузаантай, 10 баллын мөстсөн цастай, Сайхан-Овоо, Говь-Угтаал, Дэрэн, Баянжаргалан Дэлгэрхангай, Луус, Адаацаг, Эрдэнэдалай сумдад 1-4 баллын мөстсөн цастай, бусад нутгаар  цасгүй байна.

Энэ 10 хоногт хөдөө аж ахуйн үйлдвэрлэлд  малчид өвөлжилдөө идэшээ хийх, хужир шүү татах  зэрэг ажил  явагдахад цаг агаар тааламжтай байсан. Малын усан хангамжийн  хүрэлцээ дунд зэрэг. Одоогийн байдлаар цаг агаарын хүндрэлээс болж учирсан хохирол байхгүй байна.

Тойм бичсэн:

 ЦУОТХэлтсийн ХААЦУ инженер  Б. Болортуяа.